Slökkviliðsmenn af öllum stöðvum á höfuðborgarsvæðinu voru kallaðir út vegna tilkynningar um reyk í Suðurhrauni í Garðabæ. Tilkynningin barst á fimmta tímanum.

Að sögn Steinþórs Darra Þorsteinssonar, aðstoðarvarðstjóra hjá Slökkviliði höfuðborgarsvæðisins, leituðu slökkviliðsmenn að eldi í húsi Ísafoldarprentsmiðju.

Svo virðist sem reykurinn hafi komið úr loftræstistæðu utan á húsinu, en svo virðist sem glóð hafi komist í hana.

Slökkviliðsmenn af tveimur stöðvum eru enn á staðnum en þeir hafa komið í veg fyrir frekari bruna.