Útsending Rásar 2 liggur niðri á hluta Norðurlands vegna bilunar í endurvarpa í kjölfar rafmagnsleysis. Samkvæmt tilkynningu frá Vodafone er unnið að viðgerð.

Útsending er úti á eftirfarandi sendastöðum: á Vaðlaheiði, Hálsi, Naustahverfi, Bægisá, Engimýri, Hóli, Hvarfi, Burstabrekkueyri, Goðafossi, Gvendarstöðum, Skollahnjúkum, Skógarhnjúkum, Auðnum og Halldórsstöðum.

Enn er hægt að hlusta á útsendingu Rásar 2 á vefnum og í appinu.