Samantekt
Óbreytt staða eftir nóttina
- Áfram eru taldar verulegar líkur á eldgosi.
- Alþingi samþykkti skömmu fyrir miðnætti frumvarp sem heimilar byggingu varnarmannvirkja við mikilvæga innviði á Reykjanesi.
- Dómsmálaráðherra segir að hún muni veita heimild til að hefja framkvæmdir við varnargarða við Svartsengi í dag.
- Vörubílar ferjuðu efni úr námum að Svartsengi í alla nótt.
- Jarðskjálftavirkni er mikil en skjálftarnir vægari en áður.
- Allt að eins metra djúpur sigdalur liggur gegnum vestanverða Grindavík.
- Kvika hefur mælst grynnst á 800 metra dýpi í 15 kílómetra kvikugangi sem liggur í gegnum bæinn.
- Minna innrennsli kviku gefur til kynna að eldgos yrði ekki jafn stórt og óttast var í fyrstu.
- Íbúar fengu að fara inn í alla Grindavík í gær til að sækja nauðsynjar, verðmæti og dýr.
RÚV – Ragnar Visage