Einn var fluttur á slysadeild nú á öðrum tímanum til aðhlynningar eftir að bíl var ekið á staur við Ingólfsstræti í miðborg Reykjavíkur.

Að sögn varðstjóra hjá Slökkviliði höfuðborgarsvæðisins var hinn slasaði vegfarandi en meiðsl hann eru talin minniháttar. Slökkviliðsmenn veittu fyrstu aðhlynningu, enda þjálfaðir sjúkraflutningamenn.

Varðstjórinn segir dælubíl slökkviliðs hafa fyrstan borið að, en hann hafði verið kallaður út vegna lítilsháttar elds í miðborginni. Fjöldi fólks er í miðborginni en tónleikum Iceland Airwaves var nýlokið þegar slysið varð.