Root

Kosningar

Forsetakosningar 2024

Dagskrá sjónvarps

Dagskrá útvarps

Auðskilið

Fréttir á auðskildu máli

Ríkisútvarpið

Um RÚV

Íþróttir

Menning og dægurmál

Forsíða

Innlendar fréttir

Erlendar fréttir

Kveikur

Fréttir

Gunnhildur Kjerúlf Birgisdóttir

Íslensk hross í grænu túni. Tvö rauð hross snúa að ljósmyndara. Aftan við þau eru svört, hvít og jörp hross og tvö folöld. Í fjarska ber nokkur tré við gráskýjaðan himin.

fr_20211125_170824.jpg

Dýraverndarsamband Íslands krefst þess að blóðtaka úr fylfullum hryssum verði stöðvuð þar sem fleiri hryssur hafi drepist en Matvælastofnun hafi fengið tilkynningar um. Forstjóri MAST segist bíða eftir gögnum frá Dýraverndarsambandinu.

Vilja stöðva blóðtöku úr fylfullum hryssum strax

Dýravelferð

fr_20211122_170637.jpg

Fjórfalt meira blóð dregið úr fylfullum merum

Eldra efni

fr_20210828_163917.jpg

Lögreglan á Suðurlandi hefur fellt niður rannsókn á blóðtöku úr fylfullum hryssum hér á landi, sem talin var brjóta gegn lögum um velferð dýra. Ráðuneyti hefur fengið frest til að svara alvarlegum athugasemdum um iðnaðinn, frá eftirlitsstofnun EFTA.

Lögregla fellir niður rannsókn á blóðmerahaldi

Lögreglumál

Umræða um blóðmerahald komst í hámæli 2021, þegar sviss­nesku dýra­vernd­ar­sam­tök­in Ani­mal Welfare Foundati­on birtu ógnvænlega heimildamynd um blóðmerahald á Íslandi. Myndin sýnir óviðunandi verklag við blóðtöku úr fylfullum hryssum og illa meðferð, þar sem fólk meðal annars barði hryssurnar með járnstöngum og spýtum.Lögreglan á Suðurlandi hefur fellt niður rannsókn sína á blóðtökunni, sem vísað var til þeirra frá Matvælastofnun snemma á síðasta ári. Lögregla segist hafa fellt rannsóknina niður vegna skorts á gögnum frá erlendu dýraverndarsamtökunum.Samtökin segja lögreglu ekki fara með rétt mál. Þau hafi verið samvinnufús en viljað afhenda gögnin í gegnum þýsk lögregluyfirvöld. Þau viti ekki til þess að íslenska lögreglan hafi nokkurn tíma sent slíka beiðni til þýsku lögreglunnar og því hafi gögnin aldrei komist í réttar hendur.Eftir stendur þá athugun ESA, eftirlitsstofnunar EFTA, sem gaf það út 10. maí að blóðtakan stæðist að þeirra mati ekki evrópsk lög og að íslensk stjórnvöld hefðu brugðist skuldbindingu sinni um vernd dýra sem notuð væru í vísindaskyni.Matvælaráðuneytinu var upphaflega gefinn frestur til 10. júlí til að bregðast við athugasemdum ESA. Sá frestur hefur verið framlengdur til 15. september.

Blóðmerahald, heimildarmynd um illa meðferð og lögreglurannsókn

fr_20211230_172006.jpg

Fleiri erlendir dýralæknar starfa við blóðtöku úr fylfullum merum í ár en í fyrra. Framkvæmdastjóri Ísteka segir hugsanlegt að kenna megi reynsluleysi um einhver dauðsföll hryssa vegna blóðtöku á síðasta ári.

Erlendum dýralæknum sem starfa við blóðtöku úr fylfullum hryssum fjölgar