Root

EM í fótbolta 2024

EM 2024

Dagskrá sjónvarps

Dagskrá útvarps

Auðskilið

Fréttir á auðskildu máli

Ríkisútvarpið

Um RÚV

Íþróttir

Menning og dægurmál

Forsíða

Innlendar fréttir

Erlendar fréttir

Kveikur

Fréttir

Ásta Hlín Magnúsdóttir

Jakup Polkowski á götunni fyrir utan húsið í Hátúni. Jakup er í svörtum stuttermabol og gráum buxum. Hann situr í hjólastól. Húsið er tvíreist, hvítt steypuhús. Hægra megin við það er bílastæði og frístandandi bílskúr.

fre_20230627_185135261

Ungur öryrki í Keflavík er því sem næst allslaus eftir að sýslumaður samþykkti tilboð í hús hans á nauðungaruppboði upp á einn tuttugasta af markaðsvirði. Hann og fjölskyldan verða borin út á föstudag og vita ekki hvað tekur við.

Allslaus eftir að sýslumaður seldi tugmilljóna einbýlishús á uppboði á þrjár milljónir

Reykjanesbær

ÖBÍ réttindasamtök skora á sýslumannsembættið á Suðurnesjum og sveitarfélagið Reykjanesbæ að taka til endurskoðunar og leiðrétta ákvörðun sem leiddi til þess að húsnæði ungs, fatlaðs manns var selt tugmilljónum undir markaðsverði á nauðungaruppboði.RÚV greindi frá málinu í gær. Maðurinn, sem hafði keypt eignina fyrir bætur sem hann fékk vegna alvarlegra læknamistaka, lenti í vanskilum þar sem hann hafði ekki greitt gjöld af eigninni, sem hann átti að fullu. Ábyrgð sveitarfélagsins og sýslumanns er rík, embættin bregðast upplýsinga- og leiðbeiningaskyldu sinni og þar með þessum unga manni.Það er forkastanlegt að hvorki félagsþjónusta sveitarfélagsins né sýslumannsembættið hafi gripið inn í áður en húsið var selt á nauðungaruppboði á einungis þrjár milljónir, eða um 5% af markaðsvirði hússins.Í lögum um nauðungarsölu segir að telji sýslumaður tilboð sem koma til álita „svo lág að fari fjarri líklegu markaðsverði eignarinnar“ geti hann ákveðið að uppboðið verði haldið á ný. Það var ekki gert þrátt fyrir óeðlilega lágt söluverð.ÖBÍ réttindasamtök skora því á bæði sýslumannsembættið og sveitarfélagið að taka málið til endurskoðunar og tryggja velferð mannsins og húsnæðisöryggi í hans eigin eign. Sömuleiðis er nauðsynlegt að farið sé yfir alla verkferla í málinu til að tryggja að slíkt endurtaki sig ekki. ÖBÍ réttindasamtök hvetja jafnframt kaupandann til að hverfa frá kaupunum, nú þegar ljóst er hvernig í málinu liggur.

Yfirlýsing ÖBÍ réttindasamtaka í heild

fr_20210913_164785.jpg

Formaður ÖBÍ réttindasamtaka er ekki viss um að mál öryrkja sem missti aleiguna þegar húseign hans í Keflavík var boðin upp og seld fyrir brotabrot af markaðsvirði sé einsdæmi. Hún segir málið mistök sem þurfi að leiðrétta.

Óttast að mál öryrkja í Reykjanesbæ sé ekki einsdæmi