Root

EM í fótbolta 2024

EM 2024

Dagskrá sjónvarps

Dagskrá útvarps

Auðskilið

Fréttir á auðskildu máli

Ríkisútvarpið

Um RÚV

Íþróttir

Menning og dægurmál

Forsíða

Innlendar fréttir

Erlendar fréttir

Kveikur

Fréttir

Ólöf Rún Erlendsdóttir

Mynd af verjendum í dómssal A í húsi héraðsdóms Norðurlands eystra.

vlcsnap-2023-03-02-09h20m13s696

Hoppukastalann Skrímslið, sem er 1.600 fermetra risa-leiktæki, tók þrjá daga að setja upp og festa við jörðu. Hann hafði áður verið í rekstri við hlið Perlunnar í Reykjavík, sumarið 2020. Þegar Perlan festi kaup á nýjum og enn stærri hoppukastala við hlið Perlunnar, kom upp sú hugmynd, innan fyrirtækisins Ævintýralands/Perlunnar, að flytja eldri kastalann á Akureyri. Þar var hann settur upp 11. júní 2021 og helgina á eftir, 17. júlí var leiktækið opnað. Slysið varð tveimur vikum síðar, 1. júlí 2021.Í ákærunni er sakargiftum mannanna lýst með þessum hætti: „...fyrir líkamsmeiðingar af gáleysi, með því að hafa í félagi sýnt af sér stórfellt aðgæsluleysi og vanrækslu þegar þeir settu niður og hófu starfsemi á 1.600 fermetra hoppukastala (Skrímslinu) við Skautahöllina að Naustavegi 1 á Akureyri, um miðjan júní 2021, án þess að festa hann nægilega við jörð og fylgjast ekki nægilega með þeim festingum sem þó voru fyrir hendi...“Orðalagið „nægilegt“ þótti verjendunum óskýrt og voru þeir allir á því að skorti skýringar á því hvað væru nægilega margar jarðfestingar eða nægilega mikið eftirlit. Verjandi framkvæmdastjóra Ævintýralands/Perlunnar, sagði rannsókn lögreglu hafa átt að varpa ljósi á einmitt það, hvað hefði þurft að gera til þess að koma í veg fyrir slysið.Þegar framkvæmdastjórann var farið að lengja eftir svörum um orsök slyssins réði hann sjálfur til sín matsaðila frá fyrirtækinu Big event safety, sem sérhæfa sig meðal annars í úttektum á öryggi hoppukastala. Þegar rannsakendur Big event safety fóru á vettvang, rúmu ári eftir slysið, voru enn stálhælar, jarðfestingar hoppukastalans, í jarðveginum þar sem Skrímslið stóð. Þá virðist sem lögregla hafi ekki rannsakað allar jarðfestingarnar. Þessu, ásamt fleiri athugsemdum Big event safety, sögðust verjendur hafa komið til lögreglu, en því hafi ekki verið svarað.

Segja lögreglu hafa skilið eftir jarðfestingar í túninu í rúmt ár

Mynd af tómum sætum í sal A hjá héraðsdómi Norðurlands eystra.

vlcsnap-2023-03-02-09h23m01s252

fr_20210701_162131.jpg

Verjendur fimm sakborninga, sem allir eru ákærðir fyrir líkamsmeiðingar af gáleysi, kröfðust þess í gær fyrir dómi að ákæran gegn þeim skyldi felld niður. Einn vísaði í hryðjuverkamálið svokallaða, sem dæmi um óljós sakarefni.

Sögðu ákæru í hoppukastalamáli svo óljósa að vísa yrði málinu frá dómi