Donald Trump hefur verið Bandaríkjaforseti í viku.AP / Mark Schiefelbein
Dómsmálaráðuneyti Bandaríkjanna hefur sagt upp á annan tug starfsfólks sem starfaði að rannsókn sakamála á hendur Donald Trump Bandaríkjaforseta.
Fólkið, sem ekki hefur verið nafngreint, starfaði allt með Jack Smith, sérstökum saksóknara í málunum, sem sjálfur sagði upp störfum fyrr í janúar. Í uppsagnarbréfi segir að fólkinu þyki ekki treystandi til að fylgja eftir stjórnarstefnu forsetans í ljósi þess hve viðamiklu hlutverki það gegndi við rannsókn málanna.