23. janúar 2025 kl. 0:30
Erlendar fréttir
Bandaríkin

Nýir eldar blossa upp nærri Los Angeles

Fólki var skipað að yfirgefa heimili sín eftir að nýir eldar blossuðu upp norðan við bandarísku stórborgina Los Angeles í dag.

A firefighter looking out towards Lake Castaic stands on a mound backdropped by clouds of smoke caused by the Hughes Fire in Castaic, Calf., Wednesday, Jan. 22, 2025. (AP Photo/Ethan Swope)
Slökkviliðsmenn að störfum nærri Castaic-vatni.AP/FR171736 AP / Ethan Swope

Eldurinn breiddist hratt út í hlíðunum meðfram Castaic-vatni og gleypti í sig fjórtán ferkílómetra svæði á innan við tveimur klukkustundum.

Öflugur Santa Ana-vindurinn glæddi eldinn í skraufþurrum gróðri og þeytti neistum langt á undan sér. Öllum þeim sem búa umhverfis vatnið var gert að forða, en það er um 55 kílómera norðan við Los Angeles, skammt frá borginni Santa Clarita.