Donald Trump, verðandi forseti Bandaríkjanna, hefur beðið hæstarétt Bandaríkjanna að gera hlé á sakamáli sínu í New York.

Trump var sakfelldur fyrir margvísleg efnahagsbrot í tengslum við mútugreiðslur til klámmyndaleikkonunnar Stormy Daniels, fyrir meint samband þeirra. Dómari ætlar að kveða upp dóm yfir Trump á föstudag. Samkvæmt dómskjölum sem voru gerð opinber í dag vill Trump að hæstiréttur skerist í leikinn og stöðvi málið.

Trump hefur staðið í fjölmörgum dómsmálum eftir að hann lét af embætti forseta árið 2020 en flestum þeirra hefur verið vísað frá í samræmi við úrskurð hæstaréttar Bandaríkjanna um friðhelgi forseta.