Sé það rétt að norður-kóreskir hermenn ætli að berjast við hlið Rússa í Úkraínu er það mikil stigmögnun, að mati Mark Rutte, framkvæmdastjóra Atlantshafsbandalagsins.
Hann segir í færslu á X í dag að hann hafi talað við forseta Suður-Kóreu, Yoon Suk Yeol um málið.
Skjáskot af X / Mark Rutte
Leyniþjónusta Suður-Kóreu greindi frá því á föstudag að Norður-Kórea hefði ákveðið að senda þúsundir hermanna til Rússlands. Þegar væru 1.500 norður-kóreskir hermenn í þjálfun þar.
Samkvæmt yfirvöldum í Suður-Kóreu er mögulegt að Norður-Kórea sendi um 12.000 hermenn til þjálfunar hjá Rússlandsher. Ætlunin sé að þeir berjist með hernum í Úkraínu.
