Ísraelskir hermenn réðust inn á skrifstofur fréttastöðvarinnar Al Jazeera í Ramallah á Vesturbakkanum. Starfsfólki var gert að koma sér á brott og skilja öll gögn og tækjabúnað eftir. Stöðin greinir sjálf frá þessu og segir Ísraelsstjórn krefjast 45 daga lokunar skrifstofunnar.

Þúsundir Ísraela flykktust út á götur Tel Aviv í gærkvöld og kröfðust þess að ríkisstjórn Benjamíns Netanjahús semji um vopnahlé við Hamas og frelsun gísla í haldi þeirra. Slík fjöldamótmæli hafa verið haldin í hverri viku nánast frá því Hamas gerðu árás á Ísrael 7. október í fyrra, myrtu mörg hundruð og námu 250 manns á brott.