Stór flóð í Bahía Blanca á austurströnd Argentínu hafa kostað að minnsta kosti 15 manns lífið. Mikil úrkoma hefur verið síðan á föstudag og á aðeins þremur dögum féllu um 300 mm af regni, þegar meðalúrkoma fyrir heilan mánuð er 129 mm.
Tæplega 1.500 manns hafa verið fluttir frá borginni til Buenos Aires, höfuðborgar Argentínu, á sama tíma og björgunarsveitir leita enn að tugum týndra. Útlit er fyrir að veðrið skáni töluvert næstu tvo sólarhringana, í það minnsta.
