Evrópusambandið hefur í bígerð að veita Úkraínu umfangsmikla hernaðaraðstoð að verðmæti um sex milljarða evra.
Úkraínskur hermaður beinir kastljósi að varnaskýli við Zaporizhzia-kjarnorkuverið.EPA-EFE / SERGEY DOLZHENKO
Vefritið Politico greinir frá þessu og segir Úkraínumenn fá skotfæri fyrir stórskotalið, loftvarnakerfi og annan búnað til að styrkja varnir þeirra. Diplómatar innan sambandsins telja andstöðu Ungverja geta komið í veg fyrir að aðstoðin verði samhljóða samþykkt.
Ætlunin er að búnaðurinn verði til reiðu fyrir Úkraínuheimsókn sendinefndar framkvæmdanefndar Evrópusambandsins 24. febrúar. Þá verða þrjú ár liðin frá því herir Rússlands réðust inn í landið.
