Flóðbylgjuviðvörun var gefin út eftir að jarðskjálfti af stærðinni 7,6 reið yfir rúma tvö hundruð kílómetra undan ströndum Cayman-eyja vestanvert í Karíbahafi.
Jarðskjálfti af stærðinni 7,6 reið yfir undan ströndum Cayman-eyja.Wikimedia Commons / Roger Wollstadt
Skjálftinn átti upptök sín grunnt í jarðskorpunni samkvæmt upplýsingum Jarðfræðistofnunar Bandaríkjanna. Flóðbylgjuviðvörunarmiðstöð Kyrrahafsríkja varaði við að hættulegar öldur gætu skollið á ströndum ríkja í næstum þúsund kílómetra fjarlægð frá skjálftamiðjunni, meðal annars Kúbu, Mexíkó, Haítí, Gvatemala og Jamaíka auk Cayman-eyja.
