Brasilíuforseti var útskrifaður af sjúkrahúsi í gær eftir að læknar gerðu aðgerð á höfði hans til að stöðva blæðingu við heila.

Luiz Inacio Lula da Silva sagðist á heimleið, í nokkuð góðu standi. Lula fékk höfuðhögg og heilablæðingu þegar hann datt á baðherbergi í forsetahöllinni í október. Læknar forsetans segja hann strax geta hafið störf en hann þurfi þó að fara gætilega næstu fimmtán daga.

Læknar segja verr hafa getað farið en Lula verður áfram í Sao Paulo fram á fimmtudag þegar ástand hans verður metið. Reynist allt í sóma má Lula halda til höfuðborgarinnar Brasiliu og snúa sér alfarið að skyldustörfum.