Stjórnvöld í Tékklandi lýstu því yfir í gærkvöld að 23. desember verði dagur þjóðarsorgar vegna banvænnar skotárásar í Prag. Fjórtán fórust í skotárás við háskóla í Prag í gær og fleiri en tuttugu særðust. Árásarmaðurinn er einnig látinn, að sögn lögreglunnar í Prag. Hann er sagður hafa verið nemandi við skólann en yfirvöld hafa ekki birt nafn hans opinberlega.

Vit Rakusan, forsætisráðherra Tékklands, hélt blaðamannafund í gær þar sem hann sagðist sorgbitinn og reiður yfir árásinni og vottaði aðstandendum hinna látnu samúð. Hann sagði að ekkert bendi til þess að árásin tengist hryðjuverkum eða erlendum atburðum á neinn hátt.