Bandaríski leikarinn Richard Roundtree er látinn 81 árs að aldri. Hann var hylltur sem fyrsta svarta hasarmyndahetjan fyrir tilhlutverk sitt í spennumyndinni Shaft árið 1971.

Roundtree þótti ryðja leiðina fyrir aðra svarta leikara, og nokkrar framhaldsmyndir og sjónvarpsþættir voru gerð um einkaspæjarann John Shaft. Bandarískir miðlar greindu frá andláti Roundtrees en banameins hans var briskrabbamein. Seinustu hlutverk Roundtrees voru í rómantísku sjónvarpsþáttaröðinni Cherish the Day og gamanmyndinni Moving On á seinasta ári.