Pólverjar undirbúa nú umfangsmikla vopnasendingu til Úkraínumanna, sem inniheldur meðal annars tvö hundruð farartæki, ásamt eldflaugum, orrustuþotum og sprengjuvörpum.

Volodymyr Zelensky Úkraínuforseti greindi frá þessu í gærkvöld. Mateusz Morawiecki, forsætisráðherra Póllands sagði í seinustu viku að fjármagn til aukins hernaðarstuðnings við Úkraínumenn kæmi hvort tveggja frá Evrópuríkjum og Bandaríkjunum.