Á vefnum Hinsegin frá Ö til A segir að orðið hinsegin eigi við um allt fólk sem er ekki gagnkynhneigt eða fellur ekki að því sem telst hefðbundið kyn eða kynhlutverk.

Hinsegin getur því, meðal annars, átt við um samkynhneigt fólk, tví- eða pankynhneigt fólk, trans fólk og intersex fólk.

Í erindi um hinsegin orðræðu á vef Samtakanna ‘78 segir að hinsegin-hugtakið sameini fólk sem er í andstöðu við hið gagnkynhneigða tvíhyggjuregluverk, regluverk sem gefi fólki aðeins kost á að skilgreina sig sem karl eða konu og gangi út frá því að allt fólk sé gagnkynhneigt.

Málfarsmínútan er flutt í Samfélaginu á Rás 1 þrisvar sinnum í viku.