Ýmislegt getur gengið á í viðtölum við stjórnmálamenn og því fékk Katrín Jakobsdóttir, formaður VG, að kynnast á tröppum stjórnarráðsins síðdegis í dag. Hún ræddi þar við Hallgrím Indriðason, fréttamann, um tíðindi dagsins - að þingkosningar eigi að vera 29. október. Þegar viðtalið var um það bil að klárast mátti sjá ansi snaggaraleg viðbrögð formannsins þegar geitungur flaug í átt að henni við mikla kátínu hinna leiðtoga stjórnarandstöðunnar.
Eins og frægt er orðið þá fékk Brynjar Níelsson, þingmaður Sjálfstæðisflokksins, óstöðvandi hláturskast eftir hnyttið svar um viðbrögð sín við því að hann yrði ekki innanríkisráðherra.
Og þegar Sigmundur Davíð Gunnlaugsson, þáverandi forsætisráðherra, rakst á krónu á túninu fyrir utan stjórnarráðið. „Alltaf leggst manni eitthvað til - þetta hjálpar til við stöðuna hjá ríkiskassanum,“ sagði Sigmundur.