Eldgos hófst í Meradölum á Reykjanesskaga um klukkan hálftvö í dag. Fréttamenn og tökumenn RÚV voru fljótir á vettvang og hafa verið á svæðinu í allan dag að ræða við viðbragðsaðila og fanga gosið á mynd.

Þá hefur fréttastofu borist efni víðs vegar að, meðal annars frá flugmönnum sem flugu yfir svæðið síðdegis. 

Fyrstu augnablik gossins sáust illa á vefmyndavél RÚV, sem hafði verið komið fyrir á Langhóli í gær. Myndavélin var færð síðdegis eftir að gosið hófst og nær nú að fanga sjónarspilið vel. Fylgjast má með myndavélinni hér á vefnum eða á RÚV 2 í sjónvarpi.