Nefnd sem fengin var til gera úttekt á viðbrögðum og málsmeðferð KSÍ vegna kynferðisofbeldismála sem tengst hafa leikmönnum í landsliðum Íslands kynnir niðurstöður sínar á blaðamannafundi klukkan 14. Sýnt verður beint frá fundinum á ruv.is. Kjartan Bjarni Björgvinsson, héraðsdómari, er formaður en auk hans eiga þær Rán Ingvarsdóttir og Hafrún Kristjánsdóttir sæti í nefndinni.
Nefndinni var falið að fara yfir þá atburðarás sem leiddi til afsagnar formanns og fyrirhugaðrar afsagnar stjórnar KSÍ í september 2021 ásamt því að bregðast við ásökunum sem fram hafa komið m.a. um þöggun innan KSÍ.
Nefndinni var sömuleiðis falið að staðreyna eins og kostur er hvaða vitneskja hafi verið innan stjórnar og / eða starfsmanna KSÍ um að leikmenn landsliða eða aðrir sem starfa fyrir KSÍ hafi beitt kynbundnu eða kynferðislegu ofbeldi á árunum 2010 – 2021.