Kvennalandslið Íslands í fótbolta mætir Svíum í toppslag F-riðils í undankeppni EM 2022 á Laugardalsvelli klukkan 18. Leiknum er lýst beint á Rás 2.
Jón Þór Hauksson, landsliðsþjálfari, teflir fram sama byrjunarliði og lagði Lettland 9-0 í síðustu viku.
Byrjunarlið Íslands
Sandra Sigurðardóttir (M)
Gunnhildur Yrsa Jónsdóttir
Glódís Perla Viggósdóttir
Ingibjörg Sigurðardóttir
Hallbera Guðný Gísladóttir
Sara Björk Gunnarsdóttir (F)
Alexandra Jóhannsdóttir
Dagný Brynjarsdóttir
Karólína Lea Vilhjálmsdóttir
Sveindís Jane Jónsdóttir
Elín Metta Jensen
Stöð 2 sport er með sýningarréttinn á leiknum sem verður opinni dagskrá þar. Engir áhorfendur eru leyfðir á leiknum.
Ísland og Svíþjóð eru jöfn á toppi riðilsins eftir að hafa bæði unnið alla fjóra leiki sína.
Fyrr í dag unnu Ungverjar 5-0 útisigur á Lettum og eru Ungverjar í þriðja sæti með 7 stig, fimm stigum á eftir Íslandi og Svíþjóð sem eiga þó tvo leiki til góða á Ungverja. Baráttan um toppsætið í riðlinum er því nær alfarið á milli Svía og Íslendinga.