Sigurður Árni Þórðarson vill verða biskup
Fyrst birt: 20.01.2012 14:11, Síðast uppfært: 20.01.2012 14:56
sr. Sigurður Árni Þórðarson. Mynd úr myndasafni þjóðkirkjunnar.
Sigurður Árni Þórðarson, prestur í Neskirkju býður sig fram til biskupsþjónustu og er hann sá þriðji sem vitað er að sækist eftir kjöri til biskups yfir Íslandi.
Kristján Valur Ingólfsson, vígslubiskup í Skálholti og Sigríður Guðmarsdóttir prestur í Guðríðarkirkju hafa þegar gefið kost á sér. Kosið verður í mars. Sigurður Árni segir að hann vilji beita sér fyrir breytingum og eflingu þjóðkirkjunnar. Létta þurfi af biskupsembættinu hlutverki framkvæmdastjóra kirkjunnar. Þjóðkirkjan eigi að efla jafnrétti og virkni allra aldurshópa í kirkjunni og Biskup Íslands eigi að beita sér fyrir jafnri stöðu kvenna og karla.
Ertu með athugasemd vegna fréttarinnar? Sendu á frettir@ruv.is
Tilkynna um bilaða upptöku
