Maður sóttur í Esjuhlíðar

Fyrst birt: 05.02.2012 15:29, Síðast uppfært: 05.02.2012 15:43

Þyrla Landhelgisgæslunnar TF Gná, lenti við Landspítalann í Fossvogi, laust upp úr þrjú, með vélsleðamann sem slasaðist í Esjuhlíðum. Átta vélsleðamenn úr björgunarsveitum Slysavarnafélagsins Landsbjargar sinntu aðgerðum á slysstað.

Maðurinn féll af sleða sínum á ferð upp úr hádegi. Hann var með meðvitund, en kvartaði undan eymslum á hálsi og í baki. Ekki er vitað hversu alvarleg meiðsl hans eru. Björgunarsveitarmenn aðstoða nú ferðafélaga þess slasaða við að koma sér til byggða.

Ertu með athugasemd vegna fréttarinnar? Sendu á frettir@ruv.is

Til baka