Tólf lög hafa verið valin til þátttöku í Söngvakeppninni 2018. Rúmlega 200 lög bárust í keppnina sem verður með svipuðu sniði og í fyrra. Hægt er að hlusta á íslenskar og enskar útgáfur laganna á Söngvakeppnin.is en lögin verða líka aðgengileg á Spotify og Tónlist.is.
Undanúrslitin fara fram í Háskólabíói, laugardagana 10. og 17. febrúar. Úrslitakvöldið verður haldið með pomp og prakt í Laugardalshöll 3. mars en, eins og sl. ár mun erlend Eurovision-stjarna stíga þar á svið. Keppnirnar þrjár verða sýndar í beinni útsendingu á RÚV.
Lögin verða flutt á íslensku í undanúrslitum, sex lög keppa hvort kvöld. Þau þrjú lög sem hljóta flest atkvæði í símakosningu hvort undankvöld tryggja sér sæti í úrslitum. Því keppa sex lög til úrslita í Söngvakeppninni í Laugardalshöll 3. mars. RÚV hefur þó heimild til að bæta auka lagi, svokölluðum svartapétri, í úrslitin. Líkt og síðustu ár býðst almenningi að kaupa miða á viðburðina og hefst miðasala þriðjudaginn 30. janúar kl. 12.00 á tix.is. Kynnir keppninnar í ár er Ragnhildur Steinunn Jónsdóttir, en hún er einnig í framkvæmdastjórn keppninnar eins og síðastliðin ár.
Sigurlag Söngvakeppninnar verður framlag Íslands í Söngvakeppni evrópskra sjónvarpsstöðva sem haldin verður í Lissabon í Portúgal dagana 8., 10. og 12. maí. Stórskotalið úr íslensku tónlistarsenunni í bland við spennandi nýstirni flytur lögin tólf í ár. Hér fyrir neðan má sjá höfunda og flytjendur laganna tólf.
Golddigger / Gold Digger
Höfundar lags: Sveinn Rúnar Sigurðsson, Jóel Ísaksson og Oskar Nyman
Höfundur íslensks texta: Valgeir Magnússon
Höfundar ensks texta: Valgeir Magnússon og Tara Nabavi
Flytjandi: Aron Hannes
Hér með þér / Here for you
Höfundar lags: Egill Ploder Ottósson og Nökkvi Fjalar Orrason
Höfundar íslensks texta: Egill Ploder Ottósson og Nökkvi Fjalar Orrason
Höfundar ensks texta: Egill Ploder Ottósson og Nökkvi Fjalar Orrason
Flytjendur: Áttan - Sonja Valdín og Egill Ploder
Heim / Our Choice
Höfundur lags: Þórunn Erna Clausen
Höfundur íslensks texta: Þórunn Erna Clausen
Höfundur ensks texta: Þórunn Clausen
Flytjandi: Ari Ólafsson
Aldrei gefast upp / Battleline
Höfundar lags: Sigurjón Örn Böðvarsson, Rósa Björg Ómarsdóttir, Michael James Down og Primoz Poglajen
Höfundar íslensks texta: Þórunn Erna Clausen og Jonas Gladnikoff
Höfundar ensks texta: Jonas Gladnikoff og Þórunn Erna Clausen
Flytjandi: Fókus hópurinn: Sigurjón Örn Böðvarsson, Rósa Björg Ómarsdóttir, Hrafnhildur Ýr Víglundsdóttir, Karitas Harpa Davíðsdóttir og Eiríkur Þór Hafdal
Í stormi / Saviours
Höfundur lags: Júlí Heiðar Halldórsson
Höfundar íslensks texta: Júlí Heiðar Halldórsson og Þórunn Erna Clausen
Höfundar ensks texta: Júlí Heiðar Halldórsson og Guðmundur Snorri Sigurðarson
Flytjandi: Dagur Sigurðarson
Svaka stuð / Heart Attack
Höfundar lags: Agnes Marinósdóttir, Aron Þór Arnarsson og Marino Breki Benjamínsson
Höfundar íslensks texta: Agnes Marinósdóttir, Stefanía Svavarsdóttir og Lovísa Rut Kristjánsdóttir.
Höfundur ensks texta: Agnes Marinósdóttir
Flytjendur: Stefanía Svavarsdóttir, Agnes Marinósdóttir og Regína Lilja Magnúsdóttir
Ég mun skína / Shine
Höfundar lags: Þórunn Antonía og Agnar Friðbertsson
Höfundur íslensks texta: Þórunn Antonía
Höfundur ensks texta: Þórunn Antonía
Flytjandi: Þórunn Antonía
Litir / Colours
Höfundar lags: Fannar Freyr Magnússon og Guðmundur Þórarinsson
Höfundar íslensks texta: Fannar Freyr Magnússon og Guðmundur Þórarinsson
Höfundar ensks texta: Fannar Freyr Magnússon og Guðmundur Þórarinsson
Flytjandi: Guðmundur Þórarinsson
Brosa / With You
Höfundar lags: Fannar Freyr Magnússon og Guðmundur Þórarinsson
Höfundar íslensks texta: Fannar Freyr Magnússon og Guðmundur Þórarinsson
Höfundar ensks texta: Fannar Freyr Magnússon og Guðmundur Þórarinsson
Flytjendur: Þórir Geir Guðmundsson og Gyða Margrét Kristjánsdóttir
Ég og þú / Think It Through
Höfundar lags: Tómas Helgi Wehmeier, Sólborg Guðbrandsdóttir og Rob Price
Höfundur íslensks texta: Davíð Guðbrandsson
Höfundar ensks texta: Tómas Helgi Wehmeier, Sólborg Guðbrandsdóttir og Rob Price
Flytjendur: Tómas Helgi Wehmeier og Sólborg Guðbrandsdóttir
Óskin mín / My Wish
Höfundu lags: Hallgrímur Bergsson
Höfundur íslensks texta: Hallgrímur Bergsson
Höfundar ensks texta: Hallgrímur Bergsson og Nicholas Hammond
Flytjandi: Rakel Pálsdóttir
Kúst og fæjó
Höfundar lags: Heimilistónar (Ólafía Hrönn Jónsdóttir, Elva Ósk Ólafsdóttir, Katla Margrét Þorgeirsdóttir og Vigdís Gunnarsdóttir)
Höfundar íslensks texta: Heimilistónar
Flytjandi: Heimilistónar