Jakob og Gloría heimsmeistarar í tölti

Jakob Svavar Sigurðsson hampar eftirsóttasta verðlaunagripnum í heimi íslenska hestsins, Tölthorninu, á heimsmeistaramóti íslenska hestsins í Hollandi. Jakob, sem keppti á Gloríu frá Skúfslæk, sigraði með yfirburðum í A úrslitum.
 Mynd: Gísli Einarsson  -  RÚV
Jakob Svavar Sigurðsson hampar eftirsóttasta verðlaunagripnum í heimi íslenska hestsins, Tölthorninu, á heimsmeistaramóti íslenska hestsins í Hollandi. Jakob, sem keppti á Gloríu frá Skúfslæk, sigraði með yfirburðum í A úrslitum.

Hann hlaut 8,94 í einkunn fyrir sína sýningu. Íslendingar einokuðu verðlaunapallinn í töltinu því í öðru sæti varð Jóhann Skúlason á Finnboga frá Minni Reykjum mðe einkunnina 8,33 og í því þriðja Guðmundur Björgvinsson á Straumi frá Feti varð þriðji með 8.27 í einkunn.

Og í fjórða sæti varð reyndar fjórði Íslendingurinn í úrslitum, Erlingur Erlingsson en hann keppti fyrir Svíðþjóða á Herjólfi frá Ragnheiðarstöðum.

Þess má geta að það stóð á tímabili tæpt að nýkrýndur heimsmeistari í tölti gæti riðið til úrslita. Jakob fékk veirusýkingu í byrjun vikunnar og hefur verið alvarlega veikur síðan. „Já það var nokkuð tæpt um tíma að ég gæti verið með en hér er ég og ég er eldhress í dag,“ sagði Jakob Svavar.

Mynd með færslu
 Mynd: RÚV

Gústaf þriðji í slaktaumatölti

 

Gústaf Ásgeir Hinriksson varð þriðji í slaktaumatölti í ungmennaflokki á HM Íslenska hestsins núna í morgun. Gústaf og Pistill frá Litlu Brekku fengu einkunnina 7.00. Í öðru sæti varð Brynja Sophie Arnason, Þýskalandi, á Skugga frá Hofi með 7.04 í einkunn og heimsmeistarinn er Clara Olsson, Svíþjóð, á Þór frá Kaldbak með einkunnina 7,13.

 

Mynd með færslu
Sigurvegarar í slaktaumatölti í ungmennaflokki.  Mynd: Gísli Einarsson  -  RÚV
Mynd með færslu
RÚV ÍÞRÓTTIR