Enn mótmælt við Gálgahraun

Mynd með færslu
Um fimmtán andstæðingar vegalagningar um Gálgahraun mótmæltu á framkvæmdasvæðinu í Garðabæ í morgun. Þeir hafa komið upp tveimur tjöldum og settu í dag upp skilti með áletrun um að það sé svissneskt fyrirtæki sem sjái um veglagninguna fyrir Vegagerðina.

Sjálfstæðir umhverfisverndarsinnar, sem eru hópur um 70 manns sem flestir eru í Sjálfstæðisflokknum, skoruðu í morgun á bæjarstjórn Garðabæjar að endurskoða afstöðu sína til vegframkvæmdanna sem nú standa yfir. Í ályktun þeirra er stórlega dregið í efa að mikil þörf sé fyrir fjögurra akreina hraðbraut þvert yfir hraunið. Þess er því óskað að aðrir kostir verði skoðaðir ítarlega.