Ástarsamband mitt við alheiminn

04.05.2017 - 17:30
Með þessum orðum lýsir Sigurður Guðmundsson myndlistarmaður fyrstu skáldsögu sinni Tabúlarasa sem kom út árið 1993 og aftur sem kilja árið 1999.

 

Tabúlarasa er bók vikunnar og á sunnudaginn ræðir Jórunn Sigurðardóttir við þau Benedikt Hjartarson prófessor í bókmenntafræði við Háskóla Íslands og Kirstínu Dagmar Jóhannesdóttur forstöðumann Gerðarsafns og ritstjóra bókarinnar Dancing Horizon ljósmyndaverk Sigurðar Guðmundssonar 1970-82.

 

Tabúlarasa er ástarsaga, ástarsaga milli fimmtugs myndlistarmanns sem dvalist hefur langdvölum erlendis og íslenskrar tungu. Þetta er saga  um kima og almenninga tungumálsins og myndlistarinnar og þetta er saga um sköpunarþörfina, sköpunarþrána, tjáningu og þjáningu. 

Hér má hlusta á Leif Hauksson lesa tvo stutta kafla úr bókinni. Annars vegar er brot úr upphafi bókarinnar, þegar myndlistarmaðurinn býr sig undir sinn fyrsta fund við konuna, sem er íslensk tunga. Hins vegar er gripið niður í samtal á milli þeirra rétt fyrir miðja bók. Á milli lestranna má svo heyra símaviðtal sem tekið var við Sigurð sem nú er búsettur í Xiamen í Kína.

Mynd með færslu
Jórunn Sigurðardóttir
dagskrárgerðarmaður
Bók vikunnar
Þessi þáttur er í hlaðvarpi