Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.

Svartsengislína Landsnets rofnaði í morgun þegar hraun rann undir hana í eldgosinu í Sundhnúksgígjaröðinni. Nils Gústavsson framkvæmdastjóri rekstrar og eigna hjá Landsneti er gestur Kastljóss og ræðir áhrif umbrotanna á Reykjanesskaga á orkuinnviði. Kastljós heldur síðan áfram umfjöllun um ýmis málefni í aðdraganda kosninga og nú eru það húsnæðismál - en þau hafa verið einn helsti drifkrafturinn i verðbólgunni. Farið er að draga úr uppbyggingu og rík krafa er um að stjórnvöld bregðist við því.

Bresk leikin þáttaröðin um hina litríku og lífsglöðu Larkin-fjölskyldu. Þættirnir gerast í Kent-sýslu á Englandi um 1950 og eru byggðir á sígildri sögu H. E. Bates, The Darling Buds of May, eða Maíblómin.

Leikararnir Karl Ágúst Úlfsson, Randver Þorláksson, Pálmi Gestsson, Sigurður Sigurjónsson og Örn Árnason sýna áhorfendum samtíðaviðburði frá nýju sjónarhorni. Stjón upptöku: Björn Emilsson.e.

Hvernig hugsa helstu listamenn og hugsuðir Svíþjóðar og hvaðan sækja þau sér innblástur og hvatningu? Í þessum þáttum er rætt við sænska meistara um sköpunarferlið, ákvarðanatöku og það hvernig mistök geta leitt til nýrra sigra.

Franskir heimildarþættir sem fjalla um sögu hljóðs og hljóðfæra.

Norskir gamanþættir teknir upp í Karls Jóhanns-götu í Osló. Þar getur næstum allt gerst og fólkið á götunni lendir óvart í sjónvarpinu.

Dönsk heimildarmynd frá 2021. Leikkonan Anne Sofie Espersen var greind með MS árið 2019. Hún kannar hvort hægt sé að bæta ónæmiskerfið og styrkja líkamann með einföldum öndunaræfingum, oföndun og ísböðum.

Vandaðir heimildaþættir frá BBC. David Attenborough fer með áhorfandann í ferðalag og sýnir furðuverur í náttúrunni.

Sænskir þættir sem fjalla um ævintýri sem eiga sér stað í sumarbúðum í Svíþjóð. Þar eru foringjarnir ekki alveg eins og fólk er flest og forvitin börn lenda í fjörugum aðstæðum, sem innihalda meðal annars boga, brjálaða geitunga og bjarnargildrur!

Hvað gerist þegar tvær mjög ólíkar stelpur verða skyndilega systur? Kim vill fara, en Jenny vill það ekki og gerir allt til að hún verði um kyrrt. En það var fyrir eldsvoðann.

Danskir krakkar reyna á hæfileika sína á ströndinni og í vatninu í æsispennandi keppni um besta strandvörðinn.

Íslensk tónlistarmyndbönd.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Skemmtiþáttur um íslenska tungu í umsjón Braga Valdimars Skúlasonar og Vigdísar Hafliðadóttur. Þátttakendur etja kappi í fjölbreyttum leikjum og þrautum. Framleiðsla: Skot í samstarfi við RÚV.

Keppendur eru Elísabet Inga Sigurðardóttir, Gunnar Birgisson, Fannar Ingi Friðþjófsson og Haukur Heiðar Hauksson.

Gísli Marteinn tekur á móti góðum gestum á föstudagskvöldum í vetur og fer með þeim yfir helstu atburði vikunnar í stjórnmálum, menningu og mannlífi. Persónur og leikendur koma í spjall og brakandi fersk tónlistaratriði koma landsmönnum í helgarstemninguna. Stjórn útsendingar: Ragnar Eyþórsson.

Verðlaunamynd með Robert Downey Jr. í aðalhlutverki um skrautlega ævi Charlie Chaplin. Myndin rekur ævi Chaplin frá uppvaxtarárunum í Bretlandi þangað til hann verður heimsfrægur í Hollywood. En þó Chaplin hafi skapað marga af fyndnustu karakterum hvíta tjaldsins upplifði hann mikinn missi um ævina og þjáðist af stöðugri depurð. Leikstjóri: Richard Attenborough.

Önnur þáttaröð þessara bresku sakamálaþátta um hið sérkennilega tvíeyki einkaspæjara, Luellu Shakespeare og Frank Hathaway, sem fæst við margvísleg sakamál í heimabæ þeirra og fæðingarbæ hins eina og sanna Shakespeare, Stratford-upon-Avon. Aðalhlutverk: Mark Benton og Jo Joyner.