Heimildarþættir um unglingamenningu á Íslandi í gegnum tíðina. Hver þáttur spannar einn áratug og eru unglingsárin krufin í gegnum viðtöl við þjóðþekkta Íslendinga. Leikstjórn: Björn B. Björnsson. Framleiðsla: Reykjavík Films.
Síðasti þáttur Unga Íslands skoðar unglingamenningu á árunum 1940-1950. Viðmælendur í þættinum eru Eggert Ásgeirsson, Sigríður Björnsdóttir, Vigdís Finnbogadóttir og Vilborg Dagbjartsdóttir.
Fjallað verður um leiksýningar, kvikmyndir, heimildamyndir, stuttmyndir og leikna sjónvarpsþætti. Leikmyndir, lýsing, hljóð og brellur kvikmynda og leikhúsa verða skoðuð og fylgst með framleiðslu einstakra kvikmyndaverka. Rýnt er í myndlist með upplýsandi og gagnrýnum hætti, nýjar leiksýningar fá ítarlega umfjöllun og gagnrýni og farið verður yfir feril einstakra listamanna.
Umsjónarmenn eru Þórhallur Gunnarsson, Sigríður Pétursdóttir, Vera Sölvadóttir og Guðmundur Oddur Magnússon.
Dagskrárgerð: Guðmundur Atli Pétursson.
Textað á síðu 888 í Textavarpi.
Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Dögg Auðunsdóttir og Viktoría Hermannsdóttir.
Mikil umræða hefur skapast um stöðuna á leigubílamarkaði síðustu vikur. Myndbönd hafa verið birt af átökum við Leifsstöð, fjallað hefur verið um íslenskukunnáttu og prófsvindl og inn í þetta blandast dómur sem nýlega féll yfir leigubílstjóra. Rætt við Daníel O. Einarsson, formann Frama, og Sæunni Ósk Unnsteinsdóttur, framkvæmdastjóra Hopp.
Íslendingar virðast orðnir opinskárri um fordóma sína í garð innflytjenda. Lögregla var kölluð til á heimili í Árbæ í síðustu viku þar sem nasistafána var flaggað og gróf neikvæð umræða skapaðist á samfélagsmiðlum vegna þátttöku palestínska söngvarans Bashar Murad í Söngvakeppninni. Talað við Margréti Valdimarsdóttir dósent í félags- og afbrotafræði.
Sigurvegarar Músíktilrauna mættu í myndver en það er hljómsveitin Vampíra. Hún spilar svo kallaða svartmálmstónlist en yrkisefnin geta þó verið allt frá syndinni sjálfri yfir í lúpínur.
Sannsögulegir norskir dramaþættir frá 2023. Læknirinn og hugsjónamanneskjan Gro Harlem Brundtland dregst inn í valdabaráttu Verkamannaflokksins í Noregi á áttunda áratug síðustu aldar og kemst að lokum til æðstu metorða norskra stjórnmála. Aðalhlutverk: Kathrine Thorborg Johansen, Jan Gunnar Røise og Sjur Vatne Brean. Leikstjóri: Yngvild Sve Flikke.
Norsk þáttaröð um fjóra vini sem allir eru auðugir, fagna velgengni í starfi og eiga fjölskyldur. Þeim leiðist þó og leita útgönguleiða úr daglegu lífi sínu, meðal annars með ofbeldi, eiturlyfjum og kynlífi. Þættirnir eru byggðir á sönnum frásögnum úr norskum fjármálaheimi. Aðalhlutverk: Simon J. Berger, Agnes Kittelsen, Pål Sverre Hagen, Tobias Santelmann og Jon Øigarden. Þættirnir eru ekki við hæfi barna yngri en 16 ára.