eftir Halldór Laxness. Höfundur les.

Þetta er skopsaga sem höfundurinn samdi á stríðsárunum. Kveikja hennar er koma ítalskrar flugsveitar til Reykjavíkur árið 1933 sem mikla athygli vakti á sínum tíma. Í sögunni eru hermennirnir staddir á Hótel Borg og fer svo að ungur starfsmaður hótelsins, Stebbi „pikkolo”, lendir í áflogum við einn af yfirmönnum sveitarinnar og hefur hann undir. Verður þá uppi fótur og fit meðal Ítalanna, en heimamenn taka málið ekki eins alvarlega.

Lestrar Halldórs Laxness úr safni RÚV eru færðir þjóðinni að gjöf í samstarfi við Guðnýju Halldórsdóttur og Sigríði Halldórsdóttur, dætur skáldsins.