Dagskrárliður er ekki aðgengilegur lengur

Birt þann 19. maí 2017
Aðgengilegt á vef til 17. ágúst 2017

Morgunvaktin - Ólga innan Framsóknar

Morgunvaktin 19.maí hófst á hjali um blíðviðri á landinu og um nokkrar fréttir dagsins. Kínverjar hafa kynnt áform um risavaxið samgönguverkefni, nýja silkileið, sem ætlað er að tengja Kína um landveg og sjóleiðina öðrum heimshlutum. Markmiðið er að tryggja stöðu kínverska hagkerfisins í heimsviðskiptunum. Frumkvæðið að þessu átti Kínaforseti, Xi Jinping. Hann vonast til að verkefnið leysi úr læðingi efnahagskrafta, sem skapi forsendur fyrir nýrri þróun í heiminum og auki stöðugleika í alþjóðavæðingu heimsins. Sagt var frá þessum áformum Kínverja sem rædd voru á leiðtogafundi í Beijing. Forystusveit Framsóknarmanna heldur mikilvægan fund um helgina á nokkru ólguskeiði í flokknum. Búast má við að eitthvað gusti um sali á vorfundi miðstjórnarinnar. Sigurður Ingi Jóhannsson velti Sigmundi Davíð Gunnlaugssyni úr embætti flokksformanns og það er ekki gróið um heilt. Sigurður Ingi ræddi stöðu Framsóknarflokksins. Ferðafólki hér á landi fjölgaði um rúmlega helming á fyrsta ársfjórðungi, sem er töluvert meiri viðbót en á sama tíma í fyrra og hittiðfyrra. Kristján Sigurjónsson í frá Stokkhólmi sagði frá þessu og fleiru úr ferðaheiminum. Það er magnað að hverfa inn um dyrnar á húsi gömlu síldarverksmiðjunnar á Djúpavík á Ströndum, sem starfaði á árunum 1935 til 54. Þessi minnisvarði um uppgrip síldaráranna er magnaður fyrir margra hluta sakir og óhætt að segja að hún örvi ímyndaraflið. Nú hefur Rósa Sigrún Jónsdóttir sett þar upp á renniverkstæðinu mikla og litskrúðuga svelgi, sem gætu sogað til sín fjölmarga gesti sumar. Rósa Sigrún var föstudagsgestur Morgunvaktarinnar. Rætt var um þetta verk á Djúpavík, landið og listina. Rósa Sigrún Jónsdóttir er í senn afkastamikill listamaður og þrautreyndur leiðsögumaður.

Aðrir þættir

Morgunvaktin - Skólabjallan glymur

Morgunvaktin 22.ágúst hófst á Þýskalandsspjalli við Arthúr Björgvin Bollason. Kosið verður til sambandsþingsins 24.september og enn er búist við að Angela Merkel og Kristilegir demókratar...
Frumflutt: 22.08.2017
Aðgengilegt til 20.11.2017

Morgunvaktin - Mikilvægt að efla handiðnir í grunnskóla.

Morgunvaktin mánudaginn 21. ágúst. Umsjón: Björn Þór Sigbjörnsson. Þátturinn hófst á spjalli við Sigrúnu Davíðsdóttur, einkum um bresk málefni en þó fleira; Sigrún var...
Frumflutt: 21.08.2017
Aðgengilegt til 19.11.2017

Morgunvaktin - Bókaþjóðin á tímamótum

Morgunvaktin 18.ágúst: Ógnarverk á fjölförnu stræti ferðamannaborgarinnar Barselóna vekja óhug. Þetta er enn ein atlagan að opnu samfélagi. Hver verða áhrifin á frjálsa för fólks og...
Frumflutt: 18.08.2017
Aðgengilegt til 16.11.2017

Morgunvaktin - Viðskipti með losunarheimildir

Morgunvaktin 17.ágúst: Það vakti mikla athygli þegar ungur maður, sem aldrei áður hafði verið pólitískt kjörinn, vann stórsigur í forsetakosningunum í Frakklandi og fylgdi því síðan eftir...
Frumflutt: 17.08.2017
Aðgengilegt til 15.11.2017

Morgunvaktin - Óöld í Kaupmannahöfn

Morgunvaktin 16.ágúst: Óhætt er að segja að hálfgerð skálmöld ríki á Norðurbrú í Kaupmannahöfn. Síðan 12. júní hefur 27 sinnum verið hleypt af skotum í Kaupmannahöfn, í langflestum...
Frumflutt: 16.08.2017
Aðgengilegt til 14.11.2017