Dagskrárliður er ekki aðgengilegur lengur

Birt þann 19. júní 2017
Aðgengilegt á vef til 17. september 2017

Lestin - Yoruba, Julius Caesar, Riverdale og sjálfboðavinna

Yoruba trúin, sem einnig kallast Aborisha, Orisha-Ifa, eða Ifa er séð sem einn aðalhluti í hefðbundnum afrískum trúarbrögðum. Trúin samanstendur af mismunandi siðum, söngvum og sögum frá Yoruba-landssvæðinu og er ekki kennd við neinn einn stofnanda eða leiðtoga. Trúin einblínir á leitina að sjálfsþekkingu, óumflýjanleg örlög, samskipti við náttúruna, forfeður og guð almáttugan sem í tilfelli Yoruba er ekki hún, ekki hann heldur það. Fólk af afrískum uppruna virðist sækja meira í Yoruba trúna nú en áður, og má vafalaust tengja uppganginn við vinsælar poppstjörnur á borð við Beyoncé og Princess Nokia. En gyðjur trúarinnar koma töluvert fyrir í textum, tónlistarmyndböndum og hugarheimi tónlistarkvennanna. Unglingaþættirnir Riverdale byggja á Archie myndasögunum sívinsælu, sem slógu í gegn í bandaríkjunum á sjöunda áratug síðustu aldar. Þættirnir fjalla um ástir og örlög unglinga í bandarískum smábæ, en hér hefur framleiðslufyrirtækið CW klætt söguna í búning sem minnir eilítið á blöndu af unglingaþáttunum Pretty Little Liars og eldri þáttaröðum Twin Peaks. Birna Guðmundsdóttir fjallar um þegar hún fór í flóttamannaathvarf í Berlín og passaði börn frá Mið-Austurlöndum í sjálfboðavinnu. Nú fyrir skemmstu komst leikritið Julius Caesar í hámæli í Bandaríkjunum fyrir pólitískar skírskotanir enda minnir uppsetning leikhússins Public Theater í New York á stjórnmálaumhverfi Bandaríkjanna í dag. Caesar sjálfur er einskonar Trump-fígúra, í hvítri skyrtu, svörtum frakka með sítt, rautt bindi - sem í miðri sýningu er myrtur á hrottafullan hátt rétt eins og hinn sögulegi Caesar. Lestin fékk til sín Ásdísi Sigmundsdóttur, doktor í almennri bókmenntafræði ræddi Shakespeare, pólitískt leikhús og uppsetningu Public Theater. Umsjónamenn: Anna Gyða Sigurgísladóttir og Jóhannes Ólafsson

Aðrir þættir

Lestin - Sigurður Pálsson, Skugga-Sveinn, Karl Ólafur

Lestin minnist í dag Sigurðar Pálssonar skálds sem andaðist eftir erfið veikindi í gær. Einnig verður í þættinum í dag hugað að vetrarlínu Geysis sem nefnist Skugga-Sveinn. Línan sækir...
Frumflutt: 20.09.2017
Aðgengilegt til 19.12.2017

Lestin - Nýdönsk, Kynusli, The Defenders

Í Lestinni í dag verður meðal annars rætt við Björn Jörund Friðbjörnsson og Daníel Ágúst Haraldsson, meðlimi í hljómsveitinni Nýdönsk, en á dögunum kom út tíunda hljóðversplata...
Frumflutt: 19.09.2017
Aðgengilegt til 18.12.2017

Lestin - Andlitsgreining, Paris Texas, RuGl, The Defenders

Í Lestinni í dag verður meðal annars fjallað um gervigreind, nýja sjónvarpsþætti þar sem ofurhetjur koma við sögu og kvikmyndina Paris, Texas, eftir þýska kvikmyndaleikstjórann Wim Wenders...
Frumflutt: 18.09.2017
Aðgengilegt til 17.12.2017

Lestin - Jay-Z 4:44, Sycamore Tree

Í Lestinni í dag verður meðal annars rætt við Ágústu Evu Erlendsdóttur um hljómsveitina Sycamore tree. Og tónlist verður fyrirferðarmikil í Lestinni í dag. Þrettánda og nýjasta breiðskífa...
Frumflutt: 15.09.2017
Aðgengilegt til 14.12.2017

Lestin - Þórsteinn Sigurðsson, Sparks, Reykjavík, skammdegið

Í Lestinni í dag verður meðal annars hugað að ljósmyndum, tónlist og einkennum Reykjavíkurborgar. Þórsteinn Sigurðsson er nemandi á öðru námsári í Ljósmyndaskólanum. Verk hans hafa vakið...
Frumflutt: 14.09.2017
Aðgengilegt til 13.12.2017