„Þetta eru gamaldags viðhorf“

10.11.2015 - 14:44
Konum er ekki treystandi til að stjórna fyrirtækjum því þær eru of uppteknar við að sinna heimilisstörfum. Þetta er skoðun sumra karlkyns stjórnenda fyrirtækja á Íslandi. Heimili þessara sömu karla eru svo mestmegnis rekin af mökum þeirra. Þetta kemur fram í nýlegri rannsókn á einkennum og bakgrunni forystufólks í atvinnulífínu hérlendis. Samfélagið ræddi við konur sem stjórna fyrirtækjum.

 

Þegar skoðað er hverjir eru æðstu stjórnendur í stærstu fyrirtækjum landsins kemur í ljós að einn af hverjum tíu er kona. Þessar konur eru yngri en karlarnir, með meiri menntun, oftar einhleypar, en samt með fleiri börn á heimilinu og gegna gjarnan ólíkum stöðum en karlarnir, til dæmis eru algengara að þær séu í forsvari í mannauðs og starfsmannamálum. Í nýlegri rannsókn Guðbjargar Lindu Rafnsdóttur og Þorgerðar Einarsdóttur, prófessora við félagsvísindadeild HÍ kemur þetta fram og ýmislegt fleira athyglisvert fram þegar rannsakaður er bakgrunnur og einkenni forystufólks í íslenskum fyrirtækjum. 

Til að fara yfir niðurstöður rannsóknarinnar kíktu Þórdís Lóa Þórhallsdóttir, formaður félags kvenna í atvinnulífinu og Kolbrún Hrund Víðisdóttir, framkvæmdastjóri Heilsumiðastöðvarinnar og varaformaður FKA í heimsókn í Samfélagið.

 

 


Deila frétt



Mynd með færslu
Þórhildur Guðrún Ólafsdóttir
dagskrárgerðarmaður
Samfélagið
Þessi þáttur er í hlaðvarpi
10.11.2015 - 14:44