Tap í fyrri leiknum í Hollandi

18.03.2017 - 11:50
epa05678696 Netherland's Maura Visser celebrates after scoring during the semi final match of the Women's Handball European Championship between the Netherlands and Denmark in Gothenburg, Sweden, 16 December 2016.  EPA/Bjorn Larsson Rosvall
 Mynd: EPA
Íslenska kvennalandsliðið í handbolta tapaði fyrri æfingaleiknum af tveimur gegn Hollandi í gærkvöldi, 23-20. Íslenska liðið er í æfingabúðum í Hollandi og mætast liðin aftur í dag.

Hollenska liðið er heimsklassalið og varð t.a.m. í 2. sæti bæði á síðasta heimsmeistara- og Evrópumóti.

 

Fyrri hálfleikur var mjög fjörugur en Holland var þó alltaf skrefinu á undan. Staðan í leikhléi var 10-8, Hollandi í vil. Íslenska liðið byrjaði illa í síðari hálfleik og náði Holland forystu 15-8 en þá kviknaði á íslenska liðinu sem náði að minnka muninn í 17-15 eftir um 15 mínútna leik í sinni hálfleik. En nær komust stelpurnar ekki og Holland landaði 3 marka sigri.

Mörk Íslands í leiknum skoruðu:

Helena Rut Örvarsdóttir 4, Birna Berg Haraldsdóttir 4, Ragnheiður Júlíusdóttir 3, Þórey Rósa Stefánsdóttir 2, Karen Knútsdóttir 2, Rakel Dögg Bragadóttir 2, Rut Jónsdóttir 1, Steinunn Björnsdóttir 1 og Hildigunnur Einarsdóttir 1.

Hafdís Renötudóttir átt góðan leik í markinu og varði 16 skot.

 

Einar Örn Jónsson
íþróttafréttamaður