Réðust á lögreglustöð í Nígeríu
Fyrst birt: 06.02.2012 21:31, Síðast uppfært: 06.02.2012 22:30
Frá Kano í Nígeríu fyrir nokkrum dögum þegar hryðjuverkamenn stóðu að sprengjutilræðum við lögreglustöðvar. Mynd: Nordic Photos/AFP
Hópur þungvopnaðra manna réðist á lögreglustöð í borginni Kano í norð-austur hluta Nígeríu í kvöld. Sjónarvottar segjast hafa heyrt miklar sprengingar og skothvelli í allt kvöld en ekki er ljóst hversu margir hafa fallið.
Um svipað leyti bárust fregnir af skothríð á útimarkaði í borginni Maiduguri í sama landshluta. Talið er að liðsmenn hryðjuverkasamtakanna Boko Haram hafi verið að verki en þeir hafa staðið fyrir fjölda mannskæðra árása síðustu vikur. Í síðasta mánuðu létu meira en 150 lífið í sprengjuárásum þeirra á kirkjur og aðra samkomustaði kristinna manna.
Ertu með athugasemd vegna fréttarinnar? Sendu á frettir@ruv.is
Tilkynna um bilaða upptöku
