Hornstrandatófur slá í gegn
Fyrst birt: 15.02.2012 18:46, Síðast uppfært: 16.02.2012 14:04
Í vefriti Discover Wildlife má nú finna glæsilegar myndir af íslensku tófunni sem Orsolya og Erlend Haarberg tóku á Hornströndum í fyrra. En Haarberg-hjónin voru á ferð um Vestfirði til að safna efni um náttúru Íslands í ljósmyndabók fyrir National Geographic sem kom út í haust.
Starfsmenn Melrakkasetursins í Súðvík veittu hjónunum margvíslega aðstoð við myndatökurnar. Í Síðdegisútvarpinu var rætt við Ester Unnsteinsdóttur framkvæmdastjóra setursins sem sagði það kosta mikla þolinmæði að mynda tófurnar. Myndirnar má sjá vefsíðunni www.melrakki.is.
Ertu með athugasemd vegna fréttarinnar? Sendu á frettir@ruv.is
